• cümə axşamı, 28 mart, 13:35
  • Baku Bakı 16°C

Gözlənilən hava şəraiti ilə bağlı Xəbərdarlıq

23.04.15 08:48 1001
Gözlənilən hava şəraiti ilə bağlı Xəbərdarlıq
Külək güclənəcək, yağış yağacaq, meteohəssas insanlarda narahatlıq hissi yaranacaq
Aprelin 24-də Bakı və Abşeron yarımadasında hava şəraitinin buludlu olacağı, axşama doğru yağış yağacağı gözlənilir.
Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova APA-ya açıqlamaısnda bildirib ki, şimal-qərb küləyi güclənəcək.
Havanın temperaturu gecə 5-8, gündüz 10-15 dərəcə isti olacaq.
Sabah Azərbaycanın rayonlarında arabir yağış yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək.
Havanın temperaturu gecə 5-10, gündüz 12-17, dağlarda gecə 0-4, gündüz 4-8 dərəcə isti olacaq.
Tibbi meteoroloji proqnoza gəlincə, aprelin 24-də Abşeron yarımadasında güclü xəzri küləyi və aprelin 25-i gündüzədək rütubətli hava şəraiti meteohəssas insanlarda narahatlıq hissi yarada bilər. Aprelin 26-da isə əlverişli komfort hava şəraiti gözlənilir.
Azərbaycan ərazisində gözlənilən hava şəraiti ilə bağlı xəbərdarlıq da edilib.
Belə ki, aprelin 25-dək ölkə ərazisində qeyri-sabit hava şəraitinin davam edəcəyi gözlənilir. Arabir yağış yağacağı, bəzi yerlərdə şimşək çaxacağı ehtimalı var. Şimal qərb küləyinin güclənəcəyi gözlənilir.
banner

Oxşar Xəbərlər