200 milyon versələr də, “Çelsi” onu satmayacaq
"Çelsi” Eden Hazarı "Mançester Siti”yə satmaq niyyətində deyil.
Kaspi.az xəbər verir ki, "təqaüdçülər” hətta "Siti” 200 milyon funt
təklif etsə də, Hazarı satmağı planlaşdırmır. Bir müddət əvvəl "The Telegraph”
məlumat yaymışdı ki, "şəhərlilər” yayda onun üçün "Çelsi”yə müraciət edəcək.
Məlumatda bildirilirdi ki, belçikalı futbolçu "Siti”nin baş məşqçisi
Xosep Qvardiolanın əsas transfer hədəfidir. Hazara olan marağı nəzərə alan
"Çelsi” rəhbərliyi, onunla yeni müqavilə bağlamağı planlaşdırır. Yeni
müqavilədə Hazara həftədə 300 min funt məvacib təklif olunacaq.
Eden cari mövsümdə 20 oyunda meydana çıxıb, 8 qol vurub, 2 qol
ötürməsi edib.