16 ay həbs, 9 milyon avro cərimə
İspaniya məhkəməsi
"Monako”nun futbolçusu Radamel Falkaonu günahkar bilib.
Kaspi.az xəbər
verir ki, Falkaoya qarşı vergidən yayınma ittihamı irəli sürülmüşdü. Məhkəmə
futbolçuya 16 ay həbs cəzası və 9 milyon avro cərimə kəsib.
Ancaq Falkao həbsxanada
yatmayacaq. İspaniya qanunlarına görə, həbsxanaya yalnız 2 ildən artıq cəzaya məruz
qalanlar salınır. Ona görə də, kolumbiyalı futbolçuya yalnız cəriməni ödəmək
lazım gələcək.
Falkao
2011-2013-cü illərdə "Atletiko”da çıxış edərkən gəlirlərini gizlədib.