AZE | RUS | ENG |

1 yaşınadək uşaqlar bağçalara qəbul edilməyəcək

1 yaşınadək uşaqlar bağçalara qəbul edilməyəcək
Uşaq bağçalarına uşaq qəbulu qaydaları dəyişdirilib

Azərbaycanda dövlət uşaq bağçalarına uşaq qəbul ediləndə ilk növbədə Qarabağ müharibəsi iştirakçıları və əlillərinin, hərbi xidmətdə olan ataların və işsiz valideynlərin uşaqları götürülməlidir.

«APA»nın məlumatına görə, bu, Nazirlər Kabinetinin təsdiqlədiyi «Məktəbəqədər təhsil müəssisəsinin Nümunəvi Nizamnaməsi»ndə nəzərdə tutulub.

Nizamnaməyə əsasən, dövlət məktəbəqədər uşaq müəssisələrinə (yəni, uşaq bağçalarına) ilk növbədə işləyən tək valideynlərin, təhsil alan anaların, I və II qrup əlillərin, Qarabağ müharibəsi iştirakçıları və əlillərinin, hərbi xidmətdə olan ataların, işsiz valideynlərin uşaqları, çoxuşaqlı ailələrdən olan uşaqlar, qəyyumluqda olan uşaqlar qəbul edilirlər.

Əvvəlki qaydalardan fərqli olaraq bu qaydalarda Qarabağ müharibəsi iştirakçıları və əlillərinin, hərbi xidmətdə olan ataların, işsiz valideynlərin uşaqlarına üstünlük hüququ verilib. Əvəzində əkiz uşaqlara verilən üstünlük ləğv edilib.

Nümunəvi Nizamnaməyə əsasən, bundan sonra uşaqları bağçaya qəbul edəndə valideynlərin gəlirləri barədə sənəd tələb olunmayacaq.

Digər yenilik ondan ibarətdir ki, yeni nizamnaməyə əsasən, bağçalara 1 yaşınadək uşaqlar qəbul edilməyəcək. Belə ki, sənəddə məktəbəqədər təhsil müəssisəsində qruplar 1-6 yaş arasında olan uşaqlardan təşkil olunacaq.

Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8876
GEL 1 1 Gürcüstan larisi 0.583
GBP 1 1 İngiltərə funt sterlinqi 2.0559
IRR 100 100 İran rialı 0.004
SEK 1 1 İsveç kronu 0.1763
CHF 1 1 İsveçrə frankı 1.7369
KWD 1 1 Küveyt dinarı 5.5865
TRY 1 1 Türkiyə lirəsi 0.3056